私隱聲明

我哋收集咩

Picklegram 唔需要登入。你喺房間入嘅資料——活動名、隊名、場地、日期、球員名（暱稱）、性別標籤、比分，以及你主動上載嘅相片——會儲存喺我哋嘅雲端資料庫（Supabase，新加坡資料中心），令同一房間嘅隊友可以即時同步睇到。

「本機模式」嘅資料只儲存喺你自己部裝置，唔會上傳。

邊個可以睇到

任何知道房號（6 位代碼）或者有房間連結嘅人都可以睇到同修改該房間嘅內容。請只將房號分享畀你信任嘅隊友。相片以公開連結形式儲存，知道連結嘅人可以開啟。

我哋唔會

我哋唔會收集你嘅電郵、電話、位置或裝置識別碼，亦唔會賣廣告或將資料轉售畀第三方。

刪除資料

你可以隨時喺房間入面刪除球員、場次或相片。如想整間房連同所有資料徹底刪除，請電郵至 zenithlkh@gmail.com 並附上房號，我哋會喺 7 日內處理。長期無活動（超過 180 日）嘅房間可能會被自動清理。

Cookies 同本機儲存

我哋唔用追蹤 cookies。App 會用瀏覽器嘅本機儲存（localStorage / IndexedDB / Cache）記住你最近入過嘅房間、離線時嘅分數同 app 檔案，以便離線使用。